11  января — день памяти мучеников 14000 младенцев Вифлеемских, от Ирода избиенных. В этот день обычно служатся молебны о прекращении греха убийства чад во утробе (аборте). В нашем храме в 10.00 также будет отслужен молебен Спасителю, Божией Матери, мученикам 14000 младенцам Вифлеемским и другим святым, в конце молебна будет прочитана покаянная молитва.

Если кто 11 января не сможет присутствовать в храме на молебне и неравнодушен к ужасному греху детоубийства, тот может прочитать покаянную молитву дома. Вот ее текст:

Господи, Иисусе Христе, Сыне Божий, Источниче жизни и безсмертия, пришедый в мир грешныя спасти! Призри на нас, недостойных рабов Твоих, выю сердца и телесе пред величеством славы Твоея приклоняющих, согрешихом бо, беззаконновахом, неправдовахом пред Тобою, но, на щедроты Твоя и милость Твою уповающе, со слезами молим: благоутробне и всемилостиве Господи, прости и помилуй нас, любовь Твою отвергших, закон евангельский поправших, страстьми ум свой ослепивших, чад своих в безумии убивших, иных к сему смертному греху подвигших или преступному их намерению не возбранивших.

Вемы, Господи, яко достойны есмы огня геенскаго и вечныя муки, но имамы и человеколюбия Твоего образы: разбойника, мытаря, блудницу, блуднаго сына, иже покаянием отверзение дверей Царствия Небеснаго и помилование улучивших. Темже ко множеству щедрот Твоих взываем: приими искреннее раскаяние наше и сердце, оскверненное безмерными грехами, человеколюбне очисти.

Призри, всесильне Господи, на люди Твоя, вразуми братий и сестер наших, творящих беззакония; возсияй истиною Твоею в сердцах заблудших и во тьме пребывающих, загради уста нечестивая и лукавая, детоубийство проповедующая; просвети разум матерей, чад своих во чреве своем умерщвляющих; удержи руку врача-детоубийцы всесильною десницею Твоею; пресеки творимое кровавое беззаконие.

О, многомилостиве и долготерпеливе Господи! Молитвами Пречистыя Твоея Матере, Владычицы нашея Богородицы и Приснодевы Марии и всех святых, наипаче ходатайством святых мучеников младенцев, в Вифлееме от Ирода убиенных, даруй нам время на покаяние, яко да, по заповедем Твоим поживше, настоящих зол и будущих вечных мук свободимся и со благою надеждою и истинным уверением к тамошнему миру пойдем, прославляюще Безначальнаго Твоего Отца, с Нимже благословен еси, со Пресвятым и Благим и Животворящим Твоим Духом, ныне и присно и во веки веков. Аминь.